Блүфин Катеринг ХХК нь 2021 оны 04-р сард үүсгэн байгуулагдсан бөгөөд өнөөдрийн байдлаар 500 гаруй чадварлаг ажилтантайгаар “Оюу Толгой” төслийн талбайд нийтийн хоол үйлдвэрлэлийн үйлчилгээг амжилттай үзүүлэн ажиллаж байна. 

    Алсын хараа: Монгол Улсын болон олон улсын зах зээлд тэргүүлэх байр суурь эзэлсэн нийгэмд хариуцлагатай компани байх тогтвортой хөгжлийг дэмжигч 

    Эрхэм зорилго: Хэрэглэгчдийн сэтгэл ханамжийг дээдэлж байгальд ээлтэй бүтээгдэхүүн амт чанартай аюулгүй үйлчилгээг тогтвортой нийлүүлэх замаар салбарын хөгжилд хувь нэмэр оруулах 

    Зорилт: Эрүүл аюулгүй олон улсын стандартад нийцсэн бүтээгдэхүүн үйлчилгээг хөгжүүлэн сайжруулж харилцагч хэрэглэгчийн сэтгэл ханамжийг тасралтгүй нэмэгдүүлэхийн зэрэгцээ орон нутгийг дэмжих бодлогыг тууштай баримтална 

    Бид чадварлаг хамт олноор багаа бүрдүүлэн өдөр бүр ойролцоогоор 17,000 орчим уурхайчдад нийт 15 гаруй улсын 250 гаруй нэр төрлийн үндсэн хоол, 90-н нэр төрлийн салад, 120 нэр төрлийн нарийн боов, амттан бүхий эрүүл, амт чанартай, халуун хоолоор ханган ажилладаг ба хоолны цэсийг олон төрлийн эрүүл зохистой, шим тэжээлийн хэрэгцээнд нийцүүлж олон төрлийн хоолны сонголтуудаар үйлчилгээ үзүүлдэг. 

    Үндсэн үйлчилгээнээс гадна 4000 гаруй уурхайчдад зориулан Монгол савласан хоол гадаад савласан хоол, хүйтэн савласан хоол, эко амт веган хоол, фитнессийн зориулалттай савласан хоол зэрэг өргөн сонголт бүхий савласан хоолны үйлчилгээг үзүүлж байна. 

    Бид ажилтнууддаа хүртээмжтэй, уян хатан ажиллах орчныг санал болгохоос гадна ажилтны шинэ санал, санаачлагыг дэмжиж, ажилтан бүртээ хийж буй ажил, ажиллаж буй компанидаа сэтгэл ханамжтай, харилцан итгэлцэл, эерэг дулаан найрсаг баг хамт олон бүхий байгууллагын соёлыг бүрдүүлэн ажиллахыг чухалчилдаг. Мөн ажилчдын нийгмийн асуудал, эрүүл мэндэд дэмжлэг үзүүлэх, хувийн хөгжилд тогтмол анхаарал хандуулж, хамтдаа хөгжих боломжийг бүрдүүлэхээр зорьдог. 

    Орон нутгийн тогтвортой хөгжил, эдийн засгийг дэмжих нэг хэлбэр нь орон нутгийн аж ахуй нэгж, иргэдээс бараа бүтээгдэхүүн худалдан авах явдал байдаг. Бид үргэлж орон нутгийн түншлэгч байгууллагууд болон иргэдтэй нээлттэй харилцаж, цаашдын хамтын ажиллагаагаа жил бүр илүү өргөжүүлэх замыг хамтдаа эрэлхийлдэг бөгөөд өнөөдрийн байдлаар орон нутгийн 5 сумдад 34 гаруй орон нутгийн бэлтгэн нийлүүлэгч нартай хамтран ажиллах гэрээ байгуулан 61.8 тэрбум төгрөгийн худалдан авалтыг хийн тэдгээр байгууллагуудаар дамжуулан 109 гаруй орон нутгийн иргэдэд шууд бус ажлын байрыг олгон ажиллаж байна. 

    Блүфин катеринг ХХК нь 2023 болон 2024 оны Монгол Улсын “ТОП 100” аж ахуйн нэгжийн нэгээр шалгарч Аж Ахуйн нийгмийн хариуцлагаа хэрэгжүүлж буй жишиг компани болон хөгжиж буйг илтгэнэ.