Танилцуулга
“Ийст энд Вест Фүүдс” ХХК нь мах боловсруулах үйлдвэрлэлийн чиглэлээр тасралтгүй үйл ажиллагаа явуулж байгаа ба олон улсын GMP стандартын шаардлагийг бүрэн нэвтрүүлж, 13 нэр төрлийн хагас боловсруулсан бүтээгдэхүүн үйлдвэрлэж байна. Манай үйлдвэр нь өдөрт 20 тонн, жилд 5,280 тонн мах ангилан боловсруулах хүчин чадалтайгаар үйл ажиллагаагаа явуулж байна.
- Манай үйлдвэр нь “Блүфин Групп”-ийн дотоод хэрэгцээг бүрэн хангахаас гадна томоохон сүлжээ дэлгүүрүүдэд 13 нэр төрлийн хагас боловсруулсан бүтээгдэхүүн, уул уурхай, төслийн салбарт 54 нэр төрлийн бүтээгдэхүүн нийлүүлж, 21,000 гаруй ажилтны хоол үйлдвэрлэлд чанар, стандартын шаардлага хангасан мах, махан бүтээгдэхүүнээр тогтмол ханган ажиллаж байна.
- Бид Монголын мал аж ахуйн түүхий эдийн үнэ цэнийг нэмэгдүүлж, дэвшилтэт технологи, олон улсын чанар, хүнсний аюулгүй байдлын стандартыг үйлдвэрлэлдээ нэвтрүүлэн дотоодын зах зээлийг найдвартай хангахын зэрэгцээ экспортын зах зээлд өрсөлдөхүйц бүтээгдэхүүн үйлдвэрлэх зорилготой ажиллаж байна.
ЧАНАРЫН БОДЛОГО
Ийст энд вест фүүдс ХХК нь хүнсний аюулгүй байдал чанарын менежментийн нэгдсэн тогтолцооны стандартуудыг үйл ажиллагаандаа хэрэгжүүлж чанар аюулгүй байдлын шаардлага хангасан мах, махан бүтээгдэхүүнийг байгальд ээлтэйгээр үйлдвэрлэж дотоодын болон олон улсын зах зээлд тасралтгүй найдвартай нийлүүлж, харилцагч байгууллагуудынхаа хэрэгцээг чанарын өндөр түвшинд хангах.
Бүтээгдэхүүн үйлдвэрлэлд хэрэглэгчийн шаардлага, холбогдох хууль тогтоомж, олон улсын стандартыг мөрдлөг болгон менежментийн нэгдсэн тогтолцоогоо тасралтгүй сайжруулж, хэрэглэгчийн сэтгэл ханамжийг тогтвортой нэмэгдүүлэхийг зорино.
